Nagpakita sa labing una nga kahigayunan si former President Rodrigo Duterte sa International Criminal Court sa The Hague, sa Netherlands sang Biyernes, kun sa diin siya ang nagapangatubang sang mga alegasyon sang crimes against humanity bangud sa makamamatay sini nga war on drugs.
Ang 79-anyos ang nag-atubang sa mga judges para sa isa ka hearing, kun sa diin siya ang ginpahibalo sang mga krimen nga ginaalegar iya ginkomiter kasubong man ang kinamatarong sini bilang isa ka defendant.
Suno kay ICC spokesperson Fadi el Abdallah, si Duterte ang nagtambong sa proceedings paagi sa video link.
Ang anay Presidente ang nagasuksok sang blue suit kag tie kag nangin maluya ang iya paglawag sang iya pangalan kag birthday.
Ginpahanunugutan ini sang presiding judge nga magsunod sa proceedings in absentia bangud sa malawig sini nga flight sa The Hague.
Gintalana naman sang International Criminal Court ang petsa sang confirmation of charges batok kay Duterte sa kaso nga crimes against humanity sa war on drugs sa September 23, 2025.
