Nagvolunteer si former President Rodrigo Duterte nga mangin isa sa mga abogado sang bata sini nga si Vice President Sara Duterte sa mga impeachment complaints batok sa iya.
Sa ila Christmas Eve dinner, ginpahayag sang bise-presidente nga nagpabutyag sang concern ang iya amay kag nag-inquire natuhoy sa status sang mga impeachment complaints batok sa iya.
Gin-extend sang amay nga Duterte ang iya legal assistance matapos nga wala ginbaton sang iya bata ang offer sini nga financial support.
Suno kay VP Sara, ginpahayag sang iya amay nga bangud indi man sini pagbatunon ang kwarta, siya na lamang ang mangin abogado sini kag siya ang mangin isa ka collaborating counsel para sa tanan nga mga kaso.
Dugang pa sini nga ang anay Presidente ang mangin isa sa mga abogado sa tanan nga mga kaso kag nagapreparar na sang iya mga dokumento sa IBP.
Sila ang nagahulat na lamag sang formal articles sang impeachment nagikan sa House of Representatives.
