Nabalaka si Vice President Sara Duterte sang ginpaidalum sa laboratory test ang iya amay nga si anay presidente Rodrigo Duterte matapos nga masapwan nga unconscious sa salog sa iya kwarto sa Detention Center sa International Criminal Court sa The Hague, Netherlands.
Sa ginpagwa nga statement sang Office of the Vice President (VP), wala sila gilayon napahibalo angot sa insidente kag wala man sang pahayag ang otoridad sang ICC angot diri.
Gin-criticize ni VP Sara ang ICC sa padayon nga pagpreso sa iya amay kag nanawagan sang “humanitarian consideration” kag insakto nga pag-atipan sa anay presidente.
Nabutang sa statement sang bise presidente nga “The ICC should act now to rectify this gross injustice and ensure that Former President Rodrigo Roa Duterte is afforded the proper care and, ultimately, the humanitarian considerations he rightfully deserves.”
