Ginpahayag ni Vice President Sara Duterte nga natigayon sini nga nabisita ang iya amay, si former President Rodrigo Duterte, nga sa karun yara sa detention facility sang International Criminal Court sa The Hague.
Suno kay VP Sara, ang iya amay, nga nagatinir sa karun sa hospital wing sang pasilidad, ang yara sa maayo nga kahimtangan kag ginaatipan sang maayo.
Ang duha ang nagkitaay sa visitor’s area sang pasilidad kag ang pagbisita sini ang nagdugay sang isa ka oras, humalin alas 4:00 sang hapon tubtob alas 5:00 sang hapon.
Suno kay Duterte, natigayon nila nga nadiskusyunan ang pila ka mga butang lakip na ang legal team sang iya amay, ang ila pamilya kag ang pungsod.
Dugang pa sini nga siya ang ginhambalan sang iya amay nga magpauli kag indi magbiya sa Pilipinas.
Suno kay VP Sara, gilayon man ini nga magabalik sa Pilipinas pagkatapos sang iya pakigkita sa legal team sang iya amay.
Samtang, naga-apply naman sang ila mga visa ang nabilin nga mga Duterte.
