Gin-convict sang International Criminal Court (ICC) kahapon ang anay Seleka militia leader naggikan sa Central African Republic sa kaso nga crimes against humanity including torture.
Gin-akusahan sang mga prosecutors si Mahamat Said Abdel Kani nga nagadumala sang isa ka prisohan sa diin ginapriso kag gina-torture ang mga ginapatihan tagasuporta sang anay Presidente sang nasambit nga pungsod nga si Francois Bozize.
Ginpanginwala ini tanan ni Said.
Ginpahayag ni Presiding judge Miatta Maria Samba nga ang pagtorture sa mga priso ang kabahin sa pag-target sa mga tagasuporta ni Bozize sa capital Bangui.
Napamatud-an si Said nga guilty sa apat ka counts sang crimes against humanity including persecution and torture.
Wala naman sang reaksiyon si Said samtang ginabasa ang verdict batok sa iya.
I-determinar naman ang iya sentensiya sa separado nga hearing.
Nakuha sang muslim rebels nga Seleka ang gahum sang 2013 bilang kabahin sang madugay na nga civil war sa Central African Republic, nga nagkakas kay Bozize sa pwesto.
Ang ila pagdumala ang nagresulta sa pagtukod sang grupo nga “anti-Balaka” nga ginabug-usan sang mga kristyano.
Gina-imbestigaran na sang ICC ang kinagamo sa Central African Republic humalin pa sang 2014 sa diin duha na ka “anti-Balaka” leaders ang ila na-convict.
