Gin-angot ni former Department of Public Works and Highways (DPWH) Undersecretary Roberto Bernardo si former Senate President Francis “Chiz” Escudero sa maanomalya nga flood control projects.
Sa iya sworn affidavit, ginpanindugan ni Bernardo nga siya mismo ang nagdaho sang P160 million, nga katumbas sang 20 porsyento sang P800 million nga balor sang government project sa abyan kag campaign contributor ni Escudero.
Ginapahayag sang campaign contributor nga ang kwarta ang para kay Escudero.
Samtang ginbuyagyag man ni Bernardo nga nakabatun si former Senator Bong Revilla sang komisyon gikan sa kwestyonable nga mga flood control projects agud pondohan ang iya pagpapili bilang Senador.
Suno kay Bernardo, gindaho sini ang 25 percent commitment kay former Bulacan District Engr Henry Alcantara, kag ini ang nagpahayag nga na-apresyar ni Revilla ang dugang nga kontribusyon para sa iya senatorial re-election bid.
