Ginpahayag ni Lead Prosecutor Atty. Gerville Luistro nga indi na ipresentar sang prosekusyon si former senator Antonio “Sonny” Trillanes IV bilang testigo sa impeachment trial ni Vice President Sara Duterte.
Pahayag ni Luistro nga penal na ang desisyon sang prosekusyon nga indi na ipatawag si Trillanes sa witness stand.
Nagpangayo man ini sang paghangop sa Senate Impeachment Court angot sa nangin desisyon.
Madumduman nga sa pag-atubang ni Davao City Mayor Sebastian “Baste” Duterte sa witness stand, isa sa mga naka-agaw sang atensyon ang pag-abot man ni Trillanes sa Senado.
Pahayag sang prosekusyon, nga kun wala nag-abot si Mayor Baste, si Trillanes amo ang testigo nga ila ipatawag sa witness stand.
Samtang sa ika-32 nga adlaw sang impeachment trial, una palang ginrequest na ni Senator-judge Raffy Tulfo nga una nga ipresentar si Trillanes.
Ini agud sa pagpresentar sang witness gikan sa bangko kag Anti-Money Laundering Council (AMLC), sila ang makapamatuod kun husto ang mga alegasyon ni Trillanes.
Ginmando naman ni Trial Presiding Officer Sen. Francis “Chiz” Escudero nga desisyonan sang prosekusyon ang request ni Tulfo antes magbalik gikan sa lunch break.
Sa baylo, antes paman ang recess, ginhimo na ni Luistro ang anunsyo nga indi na ipresentar si Trillanes.
