Gin-appoint ni President Ferdinand “Bongbong” Marcos si Justice Andres “Andy” Reyes Jr., bilang chairperson sang Independent Commission for Infrastructure.
Si Reyes, ang anay Presiding Judge sang Court of Appeals, nga malawig naman nga hukom, kag may maayo nga track record bilang patas sa paghatag sang hustisya sa mga biktima.
Ang ICI amo ang maga-imbestigar sa kurapsyon sa likod sang mga flood control projects.
Ang mga miyembro sang ICI ang ginalakipan nanday former Department of Public Works and Highways (DPWH) Secretary Rogelio “Babes” Singson kag SGV Country Managing Partner Rossana Fajardo.
Samtang si Baguio City Mayor Benjamin Magalong naman ang magaserbe bilang special adviser sang panel.
Paathag ni Marcos nga wala sa contempt power ang ICI apang sila ang may gahom sa pag-issue sang subpoena.
