Gina-imbestigaran sang US House panel sa pag-uyat ni anay President Donald Trump sang White House records matapos 15 ka mga boxes sang official documents ang naretrieve nagikan sa iya private Florida property sa ginapatihan sang mga mamalidha nga seryoso nga bayolasyon sang layi.
Suno kay House oversight panel chairwoman Carolyn Maloney, nagakabalaka ini nga ang records ang wala naturn-over sa National Archives sang nagtapos ang termino ni Trump sang Enero 2021 kag nagwa nga ginhukas ang mga ini nagikan sa White House kag nagabayolar sa Presidential Records Act.
Suno kay Maloney, nagakahangawa man ini sa nagliligad nga mga media reports nga makapila ka beses nga gintestingan ni Trump nga gub-on ang presidential records, nga makabig nga dugang nga seryoso nga bayolasyon sang layi.
Wala naman gilayon nga nagresponde ang mga representatives ni Trump tuhoy diri./
