Indi na liwat nga magpapili si Donald Trump bilang Presidente sang Estados Unidos sa 2028 kun malutos ini sa palaabuton nga eleksyon sa Nobyembre.
Suno sa 78-anyos nga anay Presidente, indi na sini makit-an ang iya kaugalingon nga liwat nga magapapili bilang Presidente sa 2028 apang nagalaom ini nga mangin madinalag-on sa adlaw sang pagpiniliay sa Nobyembre 5.
Nagalagsanay sa karun si Democratic candidate Vice President Kamala Harris kag Trump ilabi na sa mga key battleground states nga masami amu ang nagadesisyon sa mangin resulta sang US elections.
Matapos nga nagwithdraw si President Joe Biden bilang candidate sang bulan sang Hulyo kasunod sang negatibo nga resulta sang debate nila ni Trump, ginbuslan ini ni Harris nga nakabaton sang madamo nga suporta.
