Tubtob sa pila ka persona gid bala ang masarangan mo nga sunod-sunod nga lutuson kun ikaw ang maghampang sang table tennis?.
Gina-alegar nga nalapawan sang founder sang table tennis club sa Britanya ang Guinness World Record matapos sini sunod-sunod nga gin-atubang ang 117 ka mga persona sa isa lang ka rally.
Si Wen Wei Xu, founder kag coach sa Brighton Table Tennis Club, ang naghampang batok sa 117 ka mga indibidwal sa nagkalainlain nga edad sang Mayo 1 sa isa ka open market sa Brighton, England.
Nahibaluan nga ang Brighton Table Tennis Club ang nag-attempt na sa nasambit nga world record sadtong 2018, apang ini ang ginkulabos.
Ang ebidensya sa attempt ni Xu ang ginsumiter na sa Guinness para sa opisyal nga pagkilala.
Ang record sa karun ang nagatindog sa 112 ka mga nakasumpong nga nakuha ni Keith Knox sang Ormeau Table Tennis Club sa Belfast, Northern Ireland.
Sa facebook post sang Brighton Table Tennis Club, nagalaom ang mga ini nga batunon sang Ormeau Table Tennis Club ang challenge kag tinguhaan nga liwat nga i-break ang record.
