Ginpahayag ni Senate Minority Leader Aquilino “Koko” Pimentel III, nga amu ang chairman sang Senate Blue Ribbon Subcommittee, nga wala sini nagakakit-an ang panginahanglanon nga imbitahon si former President Rodrigo Duterte sa masunod nga mga hearings natuhoy sa war on drugs sang iya administrasyon.
Sang Lunes, si Duterte ang nagtambong sa hearing sa Senado kun sa diin gindepensahan sini ang maduguon nga war on drugs sang iya administrasyon.
Suno kay Pimentel, ginpamangkot sini sang tinalikdan kun may yara pa sang dugang nga pamangkot para sa anay Presidente kag ang sabat sang mga ini amu nga wala gani indi na kinahanglan pa nga imbitahon liwat si Duterte.
Suno diri, wala lamang niya ginasapak ang mga kritisismo natuhoy sa paghandle sini sang hearing kun sa diin si Duterte ang ginhatagan sang leeway agud maghimo sang mga side comments kag mamuyayaw.
