Gin-ako ni former President Rodrigo Duterte nga nakapatay ini sang anum tubtob pito ka persona sang siya ang alkalde pa sa Davao City.
Ini matapos siya ang ginpamangkot ni Gabriela party-list Rep. Arlene Brosas kun matuod bala nga nakapatay ang anay Presidente kaangay sang iya ginpahayag sang tinalikdan sa hearing sa Senado.
Liwat nga ginpamangkot sang mamalidha ang anay Presidente kun siya mismo ang nagapamatay.
Diri partikular nga gintumod ni Duterte nga anum ukon pito ka mga persona ang iya napatay apang indi ini sigurado kun nadulaan gid man sila sang kabuhi.
Samtang, gin-ako man sang anay Presidente nga may tiyempo nga nakapatay ini sang mga police officers nga may kaangtanan sa mga krimen sang siya ang alkalde pa sang Davao City.
Ini ang ginsabat ni Duterte matapos siya ang ginpamangkot ni Kabataan party-list Rep Raoul Manuel may kaangtanan sa iya war on drugs.
Pagkatapos sang hearing, ginpamangkot si Duterte kun kamusta ini, nagsabat lamang ini nga maayo ang iya pamatyag kag nag-enjoy ini bangud siya ang naghambal sang kamatuoran.
