Gin-aprubahan na unanimously sang Committee on Legislative Franchise sang kongreso ang franchise application sang Negros Electric Power Corporation.
Sa press conference, ginpahayag ni Abang Lingkod Partylist Representative Stephen Paduano, isa sa mga sponsor sang hagna, sa ila pagbalik sa January 23, matapos ang ila nga break, ginalantaw sini nga masalang na sa rules meeting ang hagna kag ginalauman nga sa January 24, Miyerkules, isalang naman ang hagna sa plenaryo para sa second reading.
Suno kay Paduano, ginalantaw sini nga wala man sang may magpamalabag sa plenaryo apang kun may yara gid man, ang mga miyembro lang man sang power block sa kamara apang nagpasalig si Paduano masarangan man sini nga madepensahan ang hagna.
Nakadepende man sa kay Paduano kag Congressman Gus Tambunting sang Paranaque City ang magasponsor sang hagna sa plenaryo.
Dako man ang pagpati sang kongresista nga wala sang magainterpellate sa plenaryo kag mahimo nga maaprubahan ang prangkisa sang NEPC.
