Free Funeral Services Act, mangin basihan sa paghatag sang burial assistance sa idalom sang AICS Program sang DSWD

Ginpahayag sang Department of Social Welfare and Devlopment nga ang Free Funeral Services Act ang magaserbi nga basehan sa paghatag sang burial assistance sa indigent families sa idalum sang Assistance to Individuals in Crisis Situation program sini.

Suno kay DSWD Crisis Intervention Program Director Edwin Morata, sa idalum sang Republic Act. No. 12309 ukon ang Free Funeral Services Act of 2025, ang DSWD ang magacome-up sang standard nga balor sang burial assistance sa pag-issue sang implementing Rules and Regulations sang layi.

Ang ini nga development ang magabulig sa pag-address sang kinahanglanon sang mga pigado nga pamilya sa paghatag sang isa ka disente nga haya kag lubong para sa nagtaliwan nila nga mga himata.