Nagsugod na subong nga adlaw ang free shuttle service nga ginahatag sang provincial government para sa mga empleyado sang Kapitolyo bilang piyan-piyan sa pagsaka sang gasto bangud sa pagsaka sang presyo sang produktong.
Suno sa presidente sang Progressive Alliance of Capitol Employees (PACE) nga si Renelo Lastierre, ang free shuttle service ang sarang nga ma-avail sang tanan nga empleyado – regular man, casual ukon job order – basta mapakita lang sang employee ID.
May yara sang pick-up points halin sa Murcia, Bago kag Silay antes ang alas-7:00 sang aga.
Apang bangud limitado ang capacity sang mga service vehicle, first come, first served ang basehan sa pagpasakay sa mga empleyado.
Suno kay Lastierre, dako na ini nga bulig para sa mga empleyado sa padayon nga pagsaka sang presyo sang produktong petrolyo bangud may mga empleyado nga nagapauli kada adlaw sangsa magdayon sa Bacolod.
Ang shuttle service ang nagabiya sa Kapitolyo alas-5:20 sang hapon.
