Ipanagtag na ang P200 worth sang food voucher sa mga kiosko nga nagabaligya sa festival sites sang 45th Masskara Festival.
Sa mahibaluan, may yara sang 92 ka mga kiosko sa bahin sang Bacolod City Public Plaza, 195 sa Bacolod City Government Center kag 43 sa Upper East.
Iban diri ang nag-untat na sa pagbaligya samtang ang iban naman nagtinir matapos nga gin-extend ni Bacolod City Mayor Alfredo ‘Albee’ Benitez ang ila pagbaligya agud makabawi-bawi sa ila negosyo.
Naghatag ang alkalde sang P2.5 million nga balor sang food voucher sa mga kiosko.
Suno kay Bacolod City Councilor Celia Flor, chairperson sang Committee on Markets sa Sangguniang Panlungsod, butangan sang mechanic kun paano ipanagtag ang voucher kaangay na lamang sang petsa kun san-o ini ma-avail agud malikawan ang pagdinaguso sa mga kiosko.
May yara man sang QR code nga ibutang sa voucher agud masiguro nga indi ini peke kag dapat nga tsekyaron sang mga kiosk owners nga legit ang voucher.
Samtang, luyag naman sang konsehal nga iprioritize ang mga senior citizens kag Person with Disabilities sa pag-avail sang food voucher.
