Gin-extend sang Court of Appeals ang freeze order sa bank accounts kag assets ni dismissed Bamban, Tarlac Mayor Alice Guo tubtob sa Enero 10, 2025 suno kay AKO BICOL Party-list Rep Raul Bongalon, nga amu ang budget sponsor sang Anti-Money Laundering Council (AMLC).
Suno kay Bongalon, may yara sang 13 ka mga transfer certificates sang titles nga ginapanag-iyahan ni Alice Guo kag may kabug-usan nga appraisal value nga P464,986,600 kag gin-extend ang freeze order tubtob Enero 10, 2025.
Nagmando ang CA sang pagfreeze sang assets ni Guo kag duha ka iban pa bangud sa ginaalegar involvement sang mga ini sa illegal Philippine Offshore Gaming Operation.
Suno sa AMLC, ang freeze order ang ginrelease agud mapunggan ang dissipation sang assets samtang nagapadayon ang imbestigasyon kag legal proceedings.
Suno sa council, ang freeze order ang nagacover sang 90 ka mga bank accounts sa 14 ka mga financial institutions, pila ka mga real estate properties kag high-value personal properties kaangay sang luxury vehicles kag isa ka helicopter.
