Gin-extend sang Court of Appeals ang freeze order nga gin-issue sini batok sa bank accounts kag real properties nga nakarehistro sa idalum sang pangalan ni Pastor Apollo Quiboloy kag sang simbahan sini nga Kingdom of Jesus Christ (KOJC).
Suno sa Anti-Money Laundering Council, ang freeze order ang gin-extend tubtob Pebrero 6, 2025.
Ang freeze order ang nagacover man sang media network nga Sonshine Media Network International kasubong man isa ka foundation para sa mga kabataan nga ginapadalagan sang KOJC.
Ang CA resolution nga nagmando sang extension ang napetsahan Agosto 20.
Ang orihinal nga freeze order ang napetsahan Agosto 6, 2024 kag valid lamang sa sulod sang 20 ka adlaw.
Ginkumpirmar naman ni KOJC lawyer Dinah Tolentino-Fuentes ang freeze order extension sang Court of Appeals.
