Ginpanginwala ni French President Emmanuel Macron nga siya ang ginsakit sang iya asawa nga si Brigitte antes sila magpanaog nagikan sa isa ka eroplano sa Vietnam sa first leg sang isa ka Southeast Asia tour.
Sa tunga sang mga spekulasyon natuhoy sa viral video nga gintunaan sang mga theories sa social media, gin-athag ni Macron nga sila ang nagadugsing kag nagasunluganay lamang.
Makit-an sa short clip nga nagabukas ang aircraft door kun sa diin yara si Macron sa doorway.
Pagkatapos sang pila ka segundo, ang duha ka mga kamot ni Brigitte ang daw kaangay nga ginkumos ang guya sang presidente.
Nakit-an naman ang kakibot ni Macron apang gilayon man nga nagbalik ang iya composure kag nagwave sa mga tawo sagwa.
Samtang papanaog sa hagdan, gin-offer ni Macron ang iya kamot kay Brigitte apang wala niya ini ginkuha kag nag-uyat na lamang sa railing.
Ini ang gintunaan sang mga spekulasyon kag pagtamper sang iban nga meaning sang mga netizens nga gintawag naman sang French president nga “nonsense.”
