Nalubong na si Freya Mae Go sa Valley of Peace Memorial Park kaina sang hapon.
Kaina ginpamalabagan pa sang amay ni Freya nga si Joselito Go nga ilubong na ang iya bata bangod luyag sini nga i-extend ang haya ni Freya.
Apang suno sa iloy nga si Sarah dapat subong ilubong ang iya bata bangod nakashcedule na ini.
Agud makontrolar ang sitwasyon, nagpadulong ang mga pulis sa Rolling Hills kag ginesturya si Joselito kag natigayon na nga nalubong ang bangkay ni Freya sa Valley of Peace Memorial Park.
Madumduman nga nasapwan nga wala na sang kabuhi si Freya sa Barangay 12, Bacolod City sang Oktubre 22.
Ang kamot sini may higot nga nakakonekta sa iya liog kag wala ini sang pang-idalum nga panapton.
Nagpahayag naman ang Bacolod Police Station 1 nga may yara na sang persons of interest sa mahimo nagpatay sa 17 anyos nga biktima.
