Nagtaliwan ang 33-anyos nga COVID frontliner sa ciudad sang Bacolod matapos nga gintrangkaso kag ginbalibaran sang mga ospital kahapon.
Suno kay Bacolod City Councilor Renecito Novero, chairman sang quarantine centers action team, ang male frontliner nga si Jesryl Bancaya kag residente sang Barangay Alijis ang technical staff ni Councilor Israel Salangga nga nagabulig sugat sa mga returning OFWs sa Bacolod-Silay Airport.
Si Bancaya ang gintrangkaso matapos maulanan sang Agusto 11 sang siya ang papauli halin sa haya sang amay ni Councilor Ayasha Joy Villaflor.
Ini man ang ulihi nga adlaw nga nagsugat si Bancaya sang mga OFWs sa airport.
Kahapon, nagsufrer si Bancaya sang seizure kag gindala sa nagkalain-lain nga ospital sa ciudad apang wala ini ginbaton bangud puno na ang hospital beds sang pasyente.
Gindala man ini sa ospital sa Cadiz apang siya ang ginbalibaran bisan ila na ginpahibalo nga isa ini ka frontliner.
Samtang yara ini sa ambulansya, gincardiac arrest si Bancaya nga nagresulta sa iya kamatayon.
Suno kay Novero, wala ini ginpaidalom sa swab test apang nakitaan man ini sang mga sintomas sang COVID-19.
Si Bancaya ang former technical assistant man ni Bacolod City Councilor Caesar Distrito.
Tuman naman nga ginkasubo ni Salangga ang pagtaliwan sang iya staff.
