-- ADVERTISEMENT --
Lauman ang pagpatuman sang full road closure sa South Capitol Rd tubtob tubtob sa BS Aquino Drive, alas- 8:00 subong nga gab-i.
Sa interview sang Bombo Radyo Bacolod kay Bacolod Traffic Authority Office Deputy Head Jose Antonio “Jojo” Robello, may partial road closure sa Lacson Street humalin sa North Capitol Rd bangod nga amat-amat na nga gina-install ang anum ka stage kag mga canopy para sa mga kiosko para sa Masskara Festival 2024.
Suno diri, indi makapatuman sang road closure sa pag-install sang stage kag canopy bangod ini makatuga sang mabug-at nga lakat sang trapiko.
Apang, abiso ni Robello nga may full road closure subong alas- 8:00 sang gab-i bangod nga magasulod ang trucks nga may dala nga scaffoldings sa paghuman sang anum ka stage.
