Sarang na nga derekta nga makapadala sang request para sa financial assistance ang mga local government units nga apektado sang paglupok sang Bulkan Kanlaon sa Development Bank of the Philippines.
Sa interview kay Office of the Civil Defense – Negros Island Region Director Donato Sermeno III, nakabatun ini sang communication gikan sa OCD Central Office nga nagapahibalo nga sarang na nga maderekta sa DBM ang request sa financial assistance.
Nahibaluan nga sadto, ang LGU ang nagasulat pa sa OCD – Negros Island Regionl, kag ini ang ginaforward sa OCD Central Office nga amo ang nagasumiter sa Office of the President.
Matapos mapirmahan ni President Ferdinand “Bongbong” Marcos Jr. ang request ang ginarekomendar sang Office of the Presidente sa DBM, kag amo palang marelease ang pondo.
Suno kay Sermeno, ginarekomendar nila sa mga LGUs nga derekta na lamang nga magsulat sa DBM, kag ang budget ang kuhaon naman sa Local Government Support Fund.
Dugang pa ni Sermeno, nga sarang naman nga mapadala ang request letter online.
