Ginalantaw sang Sugar Regulatory Administration (SRA) ang mass production sang fungi agud nga mabatuan ang red-striped soft scale insect (RSSI) infestation.
Ini ang isa sa mga tikang nga ginpresentar sang Sugar Regulatory Administration.
Suno kay SRA Pablo Azcona, may yara na sang breakthrough matapos nga matukiban ang fungi sa Capiz kag ini ang gindala sa La Granja Station pila na ka bulan ang nakaligad.
Suno kay Azcona, ginpadamo man sang mga ini ang fungi kag gin-obserbahan.
Sa karun gina-atake sang fungus ang mga adult nga RSSI.
Suno diri wala man sang negatibo nga epekto bangud ini ang natural kag indi chemical.
Suno diri duha ka mapinuslanon nga fungi nag may scientific names nga Metarhizium anisopliae kag Beauveria bassiana ang ginatun-an bilang long-term solution to RSSI.
Nagalaom ang SRA nga mapadamo nila ini kag mapanagtag sa mangunguma para sa spraying.
Mahimo man sang mga ini nga magtudlo sa mga farmers association sa mga local government unit agud nga magreplicate kag mapadamo ang mga natural nga nagatuhaw nga mga fungus sa tubo.
Ang RSSI ang mahimo makabuhin sang 50 percent nga production.
Base sa record sang Sugar Regulatory Administration (SRA), pinakamalapad nga naapektuhan ang Negros Occidental nga nagdangat sa 2,876.28 hectares nga nag-apekto sa 1,574 ka mga mangunguma sa 113 ka mga barangay sa 21 ka mga banwa kag ciudad sa probinsiya.
Samtang, yara naman sa 3.50 hectares sa Mabinay, Negros Oriental ang naapektuhan sang pagpang-atake sang RSSI.
Sa probinsiya sang Iloilo sa isla sang Panay, may 13 ka mga mangunguma sa pito ka barangay sa mga banwa sang Anilao kag Barotac Nuevo ang apektado matapos nga ginhalitan sang RSSI ang 29.15 hectares nga katubuhan.
Sa probinsiya naman sang Capiz, nagalapad sang 23.20 hectares sa mga banwa sang Sigma, Panit-an, Pontevedra kag Dao ang nahalitan.
