Tsekyaron ni Bacolod City Councilor Homer Bais ang sitwasyon sang mga slaugther houses sa ciudad sang Bacolod samtang tawagon man sini ang atensyon sang IPM Construction and Development Corp agud mapaayo ang garbage collection.
Ini kasunod sang pagbutang sa iya bilang chairperson sang Committee on Environment and Ecology kag Committee on Slaughterhouse and Veterinary Concerns.
Sa interview sang Bombo Radyo Bacolod kay Bais, kabahin sa ginmensyonar ni Bacolod City Mayor Greg Gasataya nga luyag sini masolusyonan amo ang problema sang basura sa ciudad.
Agud makabulig, siya ang magahimo sang legislation nga magacall-out sa atensyon sang IPM.
Pahanumdom sini nga indi na bag-o ang IPM sa garbage collection bangod madugay na sila sa serbisyo, apang madamo gihapon sang reklamo.
Gani dapat nga sila ang mag-adjust kag hatagan sang atensyon ang mga concerns para sa mas epektibo nga trabaho.
Sa pihak nga bahin, ipatsekyar man sini ang sitwasyon sa mga slaughterhouses sa ciudad sang Bacolod.
Suno kay Bais, Triple A na ang standard sang mga slaughterhouses sa iban nga mga local government units.
Bilang isa ka highly urbanized city, dapat man nga mapataas sang Bacolod City ang standard sang mga slaughterhouses.
Ipareview pa sini ang mga site agud mahibaluan kun ano ang mga kinahangkan pa sang pasilidad nga mga bag-o nga equipments.
Lantawon man sini ang mga records sang reklamo angot sa mga slaughterhouses.