Ginaduso ni Bacolod City Mayor Alfredo “Albee” Benitez nga ma-implementar sang tagsa ka Barangay sa garbage collection program.
Ginapakamaayo sang alkalde ang programa sang National Government nga “Kalinisan sa Bagong Pilipinas” nga simultaneous clean up drive sa tagsa ka mga local government units (LGUs).
Suno kay Benitez, luyag sini nga ma-implementar sa tagsa ka Barangay ang kaangay nga programa nga indi lamang makahimos sang mga basura, makabuhi man sang act of volunterism.
Una naman nga nagsabat ang Barangay Handumanan nga nagpasalig nga sila ang magapatigayon sang clean up drive kada Sabado.
Naghatag naman sang instruction ang alkalde sa Bacolod Environment and Natural Resources Office (BENRO) nga maghimo sang program of works.
Suno kay Benitez, ang ciudad ang nagabayad sa mga garbage collector, gani ginalantaw sini nga maayo nga programa kun bayaran man ang mga pumuluyo sa pagpatigayon sang garbage collection sa Barangay level.
