-- ADVERTISEMENT --
Nagpasalig ang consultant sang IPM Construction and Development Corporation nga magabalik na sa normal nga operasyon ang mga manughakot sang basura sa Bacolod City bwas nga adlaw.
Sa interview sang Bombo Radyo kay Horace Yap, masami na ini nga problema kada Enero 1 tubtob Enero 2 bangud madamo nga mga drivers ang indi makareport ubra tungod nga New Year.
Suno diri, sang Sabado, 14 lamang ka mga trucks ang nagpanghakot sang basura samtang kahapon, 16 lamang.
Suno diri, bwas nga adlaw lauman nga mahakot na ang mga nakatambak nga basura sa nagkalain-lain nga bahin sang Bacolod bangud natawgan na nila tanan nga mga drivers.
Nagpangayo ini sang pasensya sa mga pumuluyo kag nagpasalig nga makabalik na sila sa operasyon subong nga adlaw.
-- ADVERTISEMENT --
