Mas mataas pa gid nga gas emission sang volcanic sulfure dioxide ang narekord, subong nga adlaw sa bulkan Kanlaon.
Ang gas emission ang nagdangat sa kapin sa 5,083 tonnes/day nga amo ang ikaduha nga pinakamataas nga emission sang bulkan subong nga tuig.
Dugang pa nga may yara sang nagaka-eksperyensyahan nga 10 events/day nga volcanic earthquake activity humalin sang naglupok ini sang Hunyo 3, 2024.
Padayon sa gihapon nga ginapahalong ang publiko samtang nagapabilin sa Alert Level 2 ang bulkan, kasubong man nga wala sa gihapon ginapahanugotan ang pagsulod sa 4 kilometer radius Permanent Danger Zone.
Ginapahalong man ang mga nagapuyo malapit sa southern kag western slopes ilabi na ang nag-eksperyensya sadto sang lahar kag muddy streamflows.
Sa karun, padayon sa gihapon ang close monitoring sang Philippine Institute of Volcanology and Seismology (PHIVOLCS) sa status sang bulkan.
