Padayon pa ang manhunt operations sang mga pulis sa mga suspetsado nga naghold-up sa isa ka gasoline station sa Barangay Mabini, Valladolid, Negros Occidental kahapon sang hapon.
Suno kay P/Capt Wilfredo Benoman, hepe sang Valladolid Municipal Police Station, nagpangayo sang police assistance ang mga empleyado takna alas-5:00 sang hapon.
Ang duha ka mga suspetsado ang sakay sa isa ka motorsiklo.
Nakuha sang mga ini ang kapin P6,000 nagikan sa nasambit nga gasolinahan.
Nagpalupok man sang dala nga armas ang riding in tandem suspects.
Gilayon naman nga nagpatigayon sang mga choke points sa mga posibilidad nga padulungan sang duha ka suspetsado kag gintawgan man sini ang iban pa nga mga estasyon sang kapulisan nga posible labayan sang mga suspetsado.
Suno kay Benoman, nagbuhat man sang chokepoints ang Bago City Police Station sa mga makabig lulutsan sa nasambit nga ciudad.
