Ginalantaw sang kilala nga abogado sa ciudad sang Bacolod nga posible nga maglab-ot tubtob sa P500 million ang magasto ni Vice President Sara Duterte para sa abogado sini sa iya impeachment trial.
Sa interview sang Bombo Radyo kay Atty Jomax Ortiz, kaso ni Duterte posible nga magastohan ang bise presidente sang P200 million wala labot ang iban nga expenses.
Suno diri, kun lantawon sini madalagan gid sa P300 million tubtob P500 million ang magasto sa iya impeachment trial.
Madumduman nga ginkuha nga lawfirm sang bise presidente amo ang Fortun Narvasa & Salazar law firm.
Si Atty. Sigfrid Fortun ang isa sa lawyers ni Duterte kun sa diin si Fortun man ang isa sa nagserbe sa defense team ni President Joseph Estrada sa iya impeachment trial sang Disyembre 2000 tubtob Enero 2001.
Siya man ang nangin lawyer ni Senator-elect Panfilo Lacson sa Kuratong Baleleng case kag lawyer sanday Andal Ampatuan Sr., bata sini nga si Andal Jr. kag 22 ka iban pa sa Maguindanao massacre case nga nagduday sa sulod sang lima ka tuig.
Involved man si Fortun sa kaso sang Yanson family.
Para kay Ortiz, mahambal sini nga kisil nga klase sang lawyer si Fortun kag bisan siya nga nakita na si Fortun sa personal kaangay nga indi makabayad sang P1 million lang sa abogado.
Pahayag ni Ortiz, sarang sang Duterte nga mabayaran ang magasto sa impeachment trial bangod madamo sang nagasuporta sa ila nga mahatag sang bulig indi lamang diri sa Pilipinas apang may yara man sila sang koneksyon sa luwas sang pungsod.
