Padayon ang kinagamo sa bahin sang Gaza apisar sa ceasefire bangod sa inagaway sang supply nga ginapadala para sa mga Palestinians.
Sa interview sang Bombo Radyo kay Alona Yunting, Bombo International News Correspondent derekta sa Israel, malinong ang sitwasyon sa karun bangod sa ceasefire apang apisar sini may yara sa gihapon sang kinagamo bangod sa tuman ka tugnaw kag kagutom.
Suno diri, kun may ipadala nga supply kaangay sang pagkaon, bulong, mga gamit kag iban pa, masami nga may yara sang pag-inagaway kag amo nga nagaluntad ang kinagamo kag pinatyanay.
Samtang, nakita man sini nga may kinalain ang pagbaylohanay sang hostages sa tunga sang Hamas kag Israel.
Suno kay Yunting, nagapagwa lang sang pilahon ka hostage ang Hamas apang ang Israel ang nagarelease sang madamo nga hostages.
Suno pa diri, ang mga hostage sang Hamas ang kalabanan mga maniwang na samtang ang hostage naman sang Israel ang yara sa maayo nga kondisyon.
