Ginpahayag ni Secretary General Wennie Sancho sang General Alliance of Workers Association, nga sala ang ginahatagan sang prayoridad sang gobyerno angot sa pagpanubo sa retirement age sang mga government employees naggikan sa 60 anyos nga pagahimuon nga 56 anyos na lamang.
Suno kay Sancho, wala sini nahangpan kun ngaa edad sang senior citizen ang ginahilabtan kag indi ang political appointment nga wala sang limit.
Pahayag sini nga daw kaangay nga isa ka insulto nga apisar naga wheelchair na ang isa ka inbdiwal, basta may ikasarang nga maghambal, ginabutang gihapon sa posisyon.
Palamangkutanon man ni Sancho, kun wala nagid sang iban nga mahimo mabutang para sa trabaho.
Nagapanugyan man ini nga isaylo sang gobyerno ang atensyon sa mas importante nga sektor, agud nga wala sang may ma usik nga resources sang pumuluyo kag sang gobyerno sa mga butang nga ang resulta ang makahalit lamang.
Gani, iya ginapanugyan nga unahon kuntani sang gobyerno ang pagsolbar sa mataas nga unemployment rate kag inflation, kasubong man sa presyo sang produktong petrolyo nga may madako nga epekto sa ekonomiya.
