Ginapahanumdom sang Secretary General sang General Alliance of Workers Association nga antes matuman ang Super City nga vision ni Bacolod City Mayor Alfredo ‘Albee’ Benitez, kinahanglan ang mapag-on nga power supply.
Sa interview sang Bombo Radyo Bacolod kay Wennie Sancho, bilang pumuluyo sa ciudad, excellent para sa iya ang State of the City Address (SOCA) ni Benitez, nga may vision nga mahimo Super City ang Bacolod.
Aminado man ang alkalde nga ang katumanan sang handom ang indi race kundi marathon, bangod ini ang malawig pa, apang kinahanglan nga mapreparahan.
Apang pahanumdom sini nga kadungan sa pagtukod sang mga super projects, kinahanglan man ang super power supply.
Sa tion nga maplastar na ang Negros Electric and Power Corporation (NEPC), panugyan ni Sancho nga magpatigayon sang consumer education agud ma ma-apresyar sang mga member-consumer ang masaligan kag estable nga power supply kag maathagan man kun sa diin nagakadto ang ginabayad kada bulan.
