Nagpaandam ang General Manager sang Central Negros Electric Cooperative (CENECO) sa power interruption subong nga adlaw.
Sa interview sang Bombo Radyo Bacolod kay Atty Arnel Lapore, lauman ang power interruption alas- 600 subong nga aga tubtob alas- 9:00 sang aga.
Suno diri, ang apektado nga area amo ang Asdes-Gonzaga Feeder 2 kag Burgos Feeder 2.
Ang power interruption ang bangod sa extension sang one-span one-phase primary line, Midspan erection sang one 40ft. concrete pole, installation sang one 50kVa private distribution transformer kag mga accessories, kag stringing of service wire.
Suno kay Lapore, pagatinguhaan nga mabalik sa gilayon ang kuryente antes ang target time.
Dugang pa sini, ang tuman ka init nga panahon ang isa sa mga rason sa nagaka-eksperyensyahan nga brown out.
Ini ang ginpaangid sang general manager sa isa ka kalamidad kaangay na lamang nga may bagyo apang wala sang ulan bangod sa tuman ka init, nagabaga kag nagakalayo ang mga transformers rason sang pagkadula sang kuryente.
