Lima gikan sa 21 ka mga commercial establishment sa Goldenfield Commercial Complex ang may yara sang Business Permit.
Suno kay Bacolod City Legal Office Head Atty Romeo Carlos Ting Jr, bangod nga madamo sang nagreklamo sa gahod nga naggikan sa commercial complex, nagpatigayon ang City Legal Office sang inspection sa area kag didto nga natukiban nga sa 21 ka mga establishment, lima ang may yara sang business permit samtang 16 naman diri ang on the process pa.
Suno diri, ila gindagdagan sang notice of violation ang mga establishment kag ginhatagan sang tatlo ka adlaw nga makaproseso.
Gin-inspect man sang City Health Office ang sanitation sang mga establishment kag iban didto ang gindagdagan man sang notice bangod nga wala nakapasar sa sanitary standards.
Samtang, plano naman sini nga irekomenda ang paghimo sang QR code para sa mga nagatrabaho agud matumod ang ila nga edad, ini kasunod nga may nakita nga mga minor nga nagatrabaho sa mga establishemento nga wala nagakaangay sa ila nga edad, apang sila nagapanindugan nga yara na sila sa legal age.
