Daog ang Gilas Pilipinas Women U18 sa FIBA U18 Women’s Asia Cup SEABA Qualifiers 2026 nga ginpatigayon sa STI West Negros University Gymnasium sa Bacolod City humalin sang Hunyo 2 tubtob Hunyo 6.
Napierde sang Pilipinas ang Vietnam sa score nga 93-42, Singapore sa 83-53, Thailand sa 86-48, kag Indonesia sa 88-62.
Nakuha sang Pilipinas ang gold medal samtang ang Indonesia naman ang nagbaton sang silver medal kag Singapore sa bronze medal.
Kahapon, madamo sang naglantaw sa closing sang FIBA U18 Women’s Asia Cup SEABA Qualifiers kag tuman ang paghinguyaw sang mga suporters sang Gilas Pilipinas matapos ang game.
Yara si Bacolod City Mayor Greg Gasataya kagab-i kaupod ang mga city councilors nga naglantaw man.
Ang Gilas Pilipinas Women U18 ang magarepresenta sa Pilipinas sa Asia Cup sa Thailand.
