-- ADVERTISEMENT --
Nagapabilin ang Gilas Pilipinas sa rank 34 sa FIBA World Ranking kasunod sa gipagwa nga resulta sang FIBA.
Nakuha sang Gilas ang nasambit nga puwesto matapos ginlutos sang mga ini ang New Zealand kag Hong Kong sa ginpatigayon nga FIBA Asia Cup Qualifiers.
Bangud sini nakasulod na ang Philippine team sa FIBA Asia Cup nga hiwaton sa Jeddah Saudi Arabia.
Wala naman nagbag-o ang rankings sang Gilas Pilipinas sa FIBA Asia rankings kun sa diin sila ang yara sa ika-pito nga puwesto.
Nagapanguna sa Asian rankings ang Australia, Japan, New Zealand, Iran, Lebanon kag China.
-- ADVERTISEMENT --
Samtang nagapabilin naman sa una nga puwesto ang USA kag ginsundan ini sang Serbia, Germany, France kag Canada.
