Opisyal na nga nagretiro si Gilas Pilipinas star June Mar Fajardo sa paghampang sa national team.
Ini ang iya gin-anunsyar sa hampang sang Gilas Pilipinas kun sa diin ginlutos ang Iran sa score nga 68-56.
Sa nasambit nga hampang ang katapusan nga pagsuksok ni Fajardo sang uniform sang Gilas Pilipinas.
Humalin sang 2013, yara na sa Gilas ang tumandok nga Cebu kun sa diin ang head coach sini amo si Chot Reyes.
Sa iya katapusan nga hampang, nakarekord sia sang anum ka puntos, duha ka rebounds sa sulod sang pito ka minutos nga hampang.
Si Fajardo ang siyam ka beses nga Most Valuable Player sang PBA.
Ginpasalamatan sini ang iya mga fans nga nagsalig kag nagsuporta sa iya sa paghampang sa Gilas Pilipinas.
Sa subong nakatutok na siya sa paghampang para sa San Miguel Beermen sa PBA.
