Opisyal na nga maghampang sa FIBA Asia Cup 2025 ang Gilas Pilipinas nga patigayunon sa Saudi Arabia sa bulan sang Agosto sa masunod nga tuig.
Ini ang matapos nga lutuson sang New Zealand ang Chinese Taipei sa score nga 81-64 sa home court sang New Zealand.
Matapos ang pagkalutos sang Taiwan ang nasiguro na ang pwesto sang Pilipinas sa Top Two sa Group B nga kinahanglan agud nga makalab-ot sa tournament sa bulan sang Agosto.
May yara sang apat nga kadalag-an kag wala pa sang pierde ang Gilas sang tambakan nila ang Hong Kong 93-54 subong nga Domingo sa Mall of Asia Arena.
Nakasulod man ang New Zealand Tall Blacks sang pierdihon nila Chinese Taipei kag makuha ang record nga 3-1.
Sa masunod nga tuig nga tournament ang luyag sang Gilas nga ma-improve ang ila nga ika-siyam nga puwesto sadtong FIBA Asia Cup sa Jakarta sadtong 2022.
Tinguhaon man sang Gilas Pilipinas nga agawon ang korona sa Australia nga defending Asia Cup champion.
Kaupod man nga nakasulod sa FIBA Asia Cup ang Japan kag ang Saudi Arabia bilang host country.
