Pagasuguran na sang Gilas Pilipinas Women ang ila training camp para sa Vietname Southeast Asian Games nga gintalana sa May 12 tubtob 23 sa Hanoi.
Suno kay head coach Patrick Aquino, nakapadala na sila sang sulat nga na-address sa Philippine Sports Commission (PSC) agud makakuha sang green light para masuguran ang ila crucial build-up.
Ginalantaw sang mga Filipinas nga madepensahan ang ila twin gold medals sa 2019 SEA Games, sang sila ang nagdaog lunsay sa 5-on-5 kag 3×3 competitions.
Suno kay Aquino, nagapreparar na sila nga makabalik sa practice sa madali nga tinion.
Nagalaom man ini nga indi na sila pag-ireqire nga magpatigayon sang bubble-type camp kaangay sa ila men counterparts, nga magapatigayon sang ila training sa Moro Lorenzo Sports Center sa Quezon City.
Magluwas sa SEA Games, ang Gilas Pilipinas ang nagapreparar man para sa 2022 Asian Games sa Hangzhou, China sa Setyembre.
