Gin-athag sang medical doctor nga wala sang may nagakapatay sa pagmasturbate.
Ini matapos nga nasapwan na lamang nga wala na sang kabuhi ang 40 anyos nga lalaki matapos gina-alegar nasobrahan sa masturbation sa Rodriguez Street, Purok Adarna, Barangay 16, Bacolod City, kahapon.
Ang biktima ang ginkilala nga si Ernesto Gani, 40 anyos, tumandok sang Barangay Narra, Cauayan.
Suno sa live in partner sang biktima nga si Tessie Bornea, 59 anyos, person with disability (PWD), kag nagawheelchair na lamang bangod sa kabudlayan sa paglakat, nasapwan sini nga wala na sang kabuhi ang biktima alas-6:00 kahapon sang aga.
Ini ang wala sang pang-idalom nga panapton kag naga-uyat sa iya nga kinatawo.
Sa interview sang Bombo Radyo kay Dr. Vicente Iturriaga, madamo sang posible nga rason sa pagtaliwan sang bitkima kaangay na lamang nga kun nagapanigarilyo ini, diabetic, highblood, alcoholic kag wala sang maintenance nga gina-inom.
Posible man nga naga-inom sang bulong para sa erection ang biktima nga indi dapat pag-imnon adlaw-adlaw.
Dugang pa sini, posible man nga heart attack ang rason sang kamatayon ni Gani bangod suno sa doktor kun ang tawo nagamasturbate nagasaka ang excitement kag heart rate kag madasig ang blood flows sini nga amo nga nagtrigger sang heart attack.
Paathag ni Iturriaga, indi makapatay sang tawo ang masturbaiton kag ang kamatayon ni Gani ang mahibaluan kun ipaidalum sa autopsy ang bangkay sini.
