Ginpasugtan sang Timor-Leste ang pag-ayo sang Pilipinas para sa extradition ni anay Negros Oriental Rep. Arnolfo Teves.
Ini ang ginkumpirmar sang Department of Justice (DOJ) subong nga Hwebes sang gab-i.
Ginpadala sang attorney general sang Timor Leste sa DOJ ang nasambit nga impormasyon.
“We have won,” suno pa sang DOJ sa isa ka statement.
Kasunod sang nasambit nga development sa extradition case ni Teves, ginpahayag sang Justice Department nga kinahanglan nga ginalauman ang pag-abot sang anay mamalidha agud nga dalayon na sini nga pangatubangon ang mga kaso batok sa iya sa local court.
Kun madumduman, nagapangatubang si Teves kag iban pa sa kaso nga murder kaangot sa pagpatay sadtong 2023 kay Negros Oriental Gov. Roel Degamo kag siyam ka iban pa mismo sa balay sang gobernador sa banwa sang Pamplona.
