Padayun ang pagpangita sa gina-alegar bangkay nga nakit-an sang mga Bacolodnon nga manuglukos malapit sa kadagatan nga sakop sang Talisay City.
Sa interview sang Bombo Radyo Bacolod kay Angelina Amarela sang Sitio Sibucao, Barangay Banago, Bacolod City, nga gina-alegar sang iya bata nga nakakita ini sang bangkay nga naga-utaw utaw sa dagat kapin alas-10:00 kahapon sang aga.
Apisar nga wala gid napalapitan, positibo ini nga bangkay sang lalaki ang iya nakita nga nagakulob kag nakasuksok lamang sang pula nga underwear, samtang madamol naman ang buhok sini.
Wala man ini sang namutikan nga pilas sa biktima, apang ini ang wala niya ginkuha bangod sa kahadlok kag dugang pa nga ang bangkay ang bloated kag nagapanimaho na.
Suno sa iya bata, luwas sa iya, may isa pa ka bangka nga may sakay nga duha ka manuglukos nga nakakita man sang bangkay.
Plano pa sini kuntani nga mangita sang dako nga fishing vessel nga makabulig sa pagkwa sang bangkay, apang wala na niya ginhimo sa pagpinsar nga ini ang kuhaon sang nagasunod sa iya.
Ang manuglukos ang nakapauli pasado alas-5:00 kahapon sang hapon kag gilayon man nga nagreport sa Philippine Coast Guard.
Ginhulam pa sang PCG ang ila bangka para sa search and retrieval operation nga nagsugod alas-6:00 sang gab-i kag natapos alas-11:00 sang gab-i, apang wala gid makita ang lawas.
Suno sa opisyal sa Brgy Banago, ipadayun ang search and retrieval operation subong nga aga.
