Nasapwan ang gina-alegar kalabera sang Babayi sa sulod sang kampo sa Hacienda Garcia, Barangay Alangilan, Bacolod City.
Sa interview sang Bombo Radyo Bacolod kay Reynold Anestacio, driver sang truck nga nagakarga sang tubo, nag-umpisa ang pagtapas sang tubo alas-5:00 kaina sang aga kag alas-9:00 sang aga nalab-utan sang tapasero ang area kun sa diin nasapwan ang kalabera.
Sila ang gilayon man nga nagpatawag sang kapulisan, kag nasundan sang pagtsekyar sang Scene of the Crime Operation (SOCO) nga nagapahayag nga babayi ang biktima bangod kompleto ang gusok.
Suno kay Anestacio, nalubong sang kapin tuhod ang biktima kag ini ang nagakulob.
Nagapati ang driver nga ginlubong ang biktima sang sarado na ang kampo ukon mataas na ang tubo.
Suno diri, ila man tapasero ang nakakita sang kalabera sa area sang Nobyembre, kapin 100 ka metros gikan sang subong nga nakit-an.
Ang sang Nobyembre ang ginapatihan naman nga kalabera sang lalaki. Samtang…desidido kag interesado ang himata sang tatlo ka namissing nga persona sang Hunyo 3 sa bahin sang Brgy Vista Alegre, Bacolod City nga matumod ang identity sang mga kalabera nga nasapwan sa katubuhan sa Hacienda Garcia, Barangay Alangilan, Bacolod CuKaina alas-9:00 sang aga, nasapwan ang kalabera nga ginapatihan iya sang babayi sang tapasero sang tubo.
Kapin 100 ka metros gikan sa lugar, madumduman nga nasapwan man ang kalabera sang ginapatihan lalaki sang Nobyembre tinalikdan nga tuig.
Sa interview sang Bombo Radyo Bacolod kag Trisha Antiquera, tubtob sa karun wala pagid masabat ang iya nga mga palamangkutanon.
Madumduman nga ang nadula amo ang iya live in partner nga si Junel Nangan, iya iloy nga si Loreville Antiquera, kag live-in partner sang iya iloy nga si Joen Villacojer.
Sila ang ginsakay sa Toyota Avanza sang gina-alegar armado nga mga persona kag humalin sadto wala na makit-an.
Wala man sang nabatun nga komunikasyon si Trisha nga magapasalig nga buhi pa ang iya mga himata.
Gani sang Nobyembre sang nasapwan ang una nga kalabera, iya man ini nga ginkadtuan.
Siya ang ginhambalan nga gin-examine pa ang tul-an kag maggwa ang resulta makaligad sang isa ka semana, apang tubtob sa karun siya ang wala makabatun sang update gikan sa Bacolod Police Station 5.
Karun nga may-ara naman sang isa pa ka kalabera nga nasapwan sa parehas nga area, kag ginapatihan nga iya naman sang babayi, mas nagbaskog pa ang panagupnon ni Trisha.
Luyag sini nga liwat ma-examine ang tul-an agud maseguro kun babayi ukon lalaki.
Hingyo sini sa mga kapulisan nga siya ang buligan nga masolbar ang kaso kag masabat na ang ila mga palamangkutanon.
