Nakuhaan sang P782,000 nga balor sang suspected shabu ang ginaalegar kawatan sa ciudad sang Bacolod sa drug buybust operation nga ginpatigayon sang City Drug Enforcement Unit sa Purok Mapalaron, Brgy. 30, Bacolod City alas 4:54 kahapon sang hapon.
Sa impormasyon nga nakuha sang Bombo Radyo, ang subject person amu si Joseph Angelo Bayag, 31-anyos, residente sang Zone 3, Brgy Boulevard, Iloilo City apang temporaryo nga nagapuyo sa Purok Malaparon, Barangay 30, Bacolod City.
Nakuha sa iya paghinakop ang anum tanan ka heat sealed transparent plastic sachet sang suspected shabu, duha ka knot-tied transparent plastic bag nga naga-unod sang suspected shabu, P1,000 bill kag iban pa nga mga non-drug items.
Ang nakumpiskar nga illegal nga druga ang may kabug-aton nga 115 grams.
Si Bayag ang ginaalegar yara sa likod sang mga insidente sang pagpangawat sa ciudad.
Sa karun nakahunong na ini kag natalana nga magpangatubang sang nagakaigo nga kaso.
