Gin-athag sang Bacolod Police Station 2 nga wala nila ginatago ang duha ka namissing nga mga lalaki sa ciudad sang Bacolod.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, may nagpalapit sa ila estasyon agud magpamangkot kun yara didto ang mga namissing nga sanday Kent Mojica sang Barangay 16, kag Elmo Lopez sang Barangay Cabug, lunsay naga-edad sang 20 anyos.
Suno diri, naghambal ang mga nagpalapit nga ang mga namissing ang nadakpan sa buybust operation apang sa pagtsekyar sa ila records wala didto ang mga ginapangita.
Dugang pa sini may yara sang nadakop sa buybust operation nga amo si Jaypee Yasas kag Edgar Loraña nga ginapatihan maga-meet up kun tani sa duha ka namissing.
Samtang nahibaluan naman nga ang namissing nga si Elmo Lopez ang utod ni Hanz Lopez, nga amo ang nakit-an nga pangalan kaupod ang mga body parts sang tawo nga ginbilin sa NBI sang tinalikdan nga tuig.
Pahayag Tolentino, wala sila nagatago sang tawo, bisan pa sa ila records wala didto ang ginapangita kag wlala man sang problema sa iya nga ipakita ang CCTV records kun sin-o ang ginasulod sa estasyon.
Luyag man sini sa karun nga masturya ang nagpagwa sang statement nga may ginatago sila nga mga tawo.
