Nag-atubang sa National Bureau of Investigation (NBI) ang isa ka assistant ni dismissed Mayor Alice Guo agud atubangon ang mga alegasyon nga hungod nga ginpatalang ang mga otoridad sa ila pagpangita sa anay alkalde sang tinalikdan nga Hulyo.
Gina-imbestigahan sa karun sang mga otoridad kun ang aide nga si Catherine Salazar ang nag-atubang sa baylo sang anay alkalde sang gin-notaryohan ang counter-affidavit ni Guo apisar nga wala na ini sa pungsod.
Sa Senate hearing, natukiban nga si Salazar ang ginaalegar responsable sa pagpangita sang notaryo.
Suno kay NBI Assistant Director Atty. Lito Magno, makabulig siya sa ginapatigayon nga imbestigasyon partikular na sa backtracking agud mahibaluan kun nagagamit si Guo sang double.
Si Salazar ang may yara sang malaba kag itom nga buhok kag nagasuksok sang glasses sang nag-atubang ini sa NBI.
Antes nagpalagyo si Guo sa Pilipinas sang Hulyo, siya ang may itom nga malaba nga buhok.
