Padayon ang imbestigasyon angot sa gina-alegar nga recruitment related extortion sang babayi nga police personnel nga assigned sa Police Regional Office-Negros Island Region headquarters.
Ginreklamo sang isa ka lalak nga ginsukot ini sang Police Corporal sang kapin P50,000 para mabuligan ini sa iya nga pag-apply.
Suno kay Bacolod City Police Office Spokesperson Police Captain Dax Santillan, indi pa madivulge ang identity sang complainant kag ginahibalo pa kun nakasulod gid man ini sa pagkapulis.
Suno diri, sadto may napasakaan na sang kaso sa kaangay man nga ginhimo kag suno kay Santillan dapat nangin leksyon na ini sa ila.
Suno kay Santillan, wala ginatolerar sang Philippine National Police ang outside transacntion.
Pahayag sini, ginahulat na lamang ang resulta sang imbestigasyon apang kun wala sang sala ang police, nagaka-angay lamang nga maproseso sini kag malimpyohan ang iya pangalan.
