Arestado ang gina-alegar commander sang New People’s Army (NPA) matapos ginserbehan sang warrant of arrest sang mga kapulisan sang Abellana Police Station 2 sang Cebu City Police Office sadtong Marso 25, 2025.
Ginkilala ang arestado kay Misael Atadero Dela Cruz, 57 anyos, residente sang Sitio Kakha, Barangay Talalak, Santa Catalina, Negros Oriental.
Si Dela Cruz ang may yara sang 28 ka outstanding warrants of arrest gikan sa magkatuhay nga korte sa Negros Oriental sa mga kaso nga three counts of rebellion nga gin-issue sag Regional Trial Court (RTC) Branch 63 sa Bayawan City, Negros Oriental; Crimes Against International Law, Genocide, kag Other Crimes Against Humanity sa idalom sang Republic Act 9851 nga gin-issue sang RTC Branch 64 sa Guihulngan City; Three counts sang murder nagikan sa RTC Branch 63 in Bayawan City and RTC Branch 64 in Guihulngan City;Two counts sang frustrated murder nagikan sa RTC Branch 64 sa Guihulngan City kag RTC Branch 63 sa Bayawan City.
Ang iban nga kaso nga ginpasaka diri ang pending pa sa korte.
Sang ginserbehan ini sang warrants of arrest wala naman sang gamo nga nagsunod sa mga otoridad.
